2020: Ikipe ya Mukura imaze gusinyisha umutoza Djilali Bahloul w’umufaransa ukomoka muri Algeria

Ikipe ya Mukura ni imwe mu makipe akomeye mu Rwanda, ikaba yari imaze igihe itandukanye n’umutoza wayo ukomoka muri Espagne ariwe Tony Hernandez, kuri ubu ikaba yamaze kugirana amasezerano n’umutoza w’umufaransa witwa Djilali Bahloul ukomoka mu gihugu cya Algeria amasezerano y’imyaka ibiri ayitoza.

Umutoza Djilali Bahloul w’imyaka 38 azwiho kutamara igihe mu makipe yagiye atoza, dore ko kuva mu mwaka wa 2015 kugeza 2019 yatoje amakipe atanu atandukanye ndetse no mubihugu bitandukanye kandi buri imwe ayitoza umwaka umwe.

Djilali Bahloul yatoje amakipe atandukanye yo mu bihugu bitandukanye birimo France aho yatoje ikipe yirwa Morteau, muri Senegal atoza iyitwa ASC Linguere, muri Cote D’Ivoire atoza iyitwa Stade d’Abidjan, muri Bahrain atoza iyitwa Al Ahli, muri Saudi Arabia atoza iyitwa Al Nahda, muri Oman atoza iyitwa Saham Club.

Uretse gutoza Djilali Bahloul yanakiniye ikipe ya Olympique Marseille hagati ya 1995 ndetse na 2000

Leave a Reply

Your email address will not be published. Required fields are marked *